[المقدمة: دُنيا وائل ومروان موسى]
كلنا بنحس نفس الحاجة بطرق مختلفة
مش شرط تمر بنفس الترتيب، مرحلة المساومة
(حاول تفتكر)
ليلي يا ليل آه ليل يا ليل يا ليل
ليلي يا ليل آه يا ليلي يا ليل
ليلي يا ليل آه ليل يا ليل يا ليل
كلمة من القلب
ليلي يا ليل آه
[المقطع الأول: مروان موسى]
إخوات سابت وسنين فاتت، مين ماسك السكور؟
مقاسي على مقاسي، غلطة الترزي ولا الدكتور؟
قابل، إللي جي أحلى بس أصعب
العُمر عادل وإنت مش حاسس بقيمة حظك
Zoom out، هتشوف الصورة بس أوضح
فاكر قبل ما الخمول على العقول يستولى؟
كُنّا ملوك في زمن تاني، دلوقتي للآسف ناسي
ما حدّش عملهالي بس دفعت التمن غالي
أنا مُحاط بكلاب سعرانة، فإتعلمت أعُض
مكالمة ستة الصبح، كنسِلْت بس كان نفسي أرد
إيه المردود؟ بين ليالي وأيام مقلوبة؟
هتديني إزاي والمساحة في قلبك محدودة؟
[جسر: مروان موسى]
مترَّب سيكا بعد سنين شغل في مناجم دهب
لسه بفتح أول صفحة لقيت كتابي إنتهى
إزاي يحصلّي كده بدون تحذير؟ مطلوب تفسير
سنين ما فيش تغيير، مسجون جوة عيونك، أنا البريء
[اللازمة: مروان موسى]
ولو لقيتِك واقفة عَ الطريق
هآخدك عالم تاني بس بعيد
أدفع أي تمن بس نعيد
ليلة من الذكريات إللي عشناها
فاكرة ولا ناسية إللي عشتيه؟
المُر إللي بنفتكره وبيإذيك
فات وقت قليل وشُفنا كتير، شُفنا كتير
تُلتومية وستين درجة لفّيناها
[المقطع الثاني: مروان موسى]
العُمر جِري على ميتين وستين
الشخصية القديمة كان يضرب كاسينُه عَ الريّق
في المحضر، أنا المُتهم لابس أحمر ليلة أرق
قُلت الطيبة عين العقل لقيت الخير إنقرض
أعتقد أنا إتحبيت بالغلط
خمس مراحل إيه؟ أنا عدّيت بميتين مرحلة
كل ده عشان أطلع فوق الجبل وألقى كهف
دايمًا ناسي شيء مهم بس الهَمّ ما بينسّاكش
إسمها سُخرية القدر، ده المُلخص المُختصر
الزعل بات مات وكل إللي فات إحتضر
غلطت كتير بس عمري ما أهملت المسؤولية
بقول للناس ولنَفسي إني عملت إللي عليا
بس يمكن بكذب، يمكن بذنب، يمكن عازلِك
يمكن حاسّة الجو مش مناسبك، ممكن أقلِب
ممكن أسمع، ممكن أنزل، ممكن أظهر
ممكن أثبت إن الجوهر هو المظهر
أو يمكن ما فيش فرق بيني وبينهم (ما فيش فرق خالص)
مش يمكن أنا أوحش منهم؟ (يمكن أوحش بكتير)
يمكن لو الكنز كان مكتوبلي
كان زماني قاعد في القصر بستلمه
في المحضر، أنا المُتهم
لابس أحمر ليلة أرق
سِبت قلبي فين؟
فكرني وأنا أفكرك
[اللازمة: مروان موسى]
ولو لقيتِك واقفة عَ الطريق
هآخدك عالم تاني بس بعيد
أدفع أي تمن بس نعيد
ليلة من الذكريات إللي عشناها
فاكرة ولا ناسية إللي عشتيه؟
المُر إللي بنفتكره وبيإذيك
فات وقت قليل وشُفنا كتير، شُفنا كتير
تُلتومية وستين درجة لفّيناها
[الخاتمة: دُنيا وائل]
تمام إنك تبقى مش تمام
All lyrics on this site are the property of their original copyright holders and are displayed for educational purposes only. If you own the rights and believe there’s an infringement, please contact us via the Email " info@socuta.com " . We will promptly verify and remove the content if necessary.
All lyrics on this site are the property of their original copyright holders and are displayed for educational purposes only. If you own the rights and believe there’s an infringement, please contact us via the Email " info@socuta.com " . We will promptly verify and remove the content if necessary.
