يا ماشي في الغربة احمد مشعل كلمات
يهون العمر يهون ويطول الليل يا امي انا عليا
مضمون في ايه مضمون نآمن مين ف الدنيا
لفيت وسبت البيت واخدني الموج غمالي انا عنيا
مالقيت امان ف الغربه واتصديت وهعمل ايه جتلك وفاض بيا
يا ماشي ف الغربه اجمد ده الطريق عايز جبل واقف
يا ايامي الصعبه خفي ف الحمول حبه بقيت خايف
يا طبيب داويني غرقان جوه بحر غويط ومش شايف
يمكن خير جاي بكره وعالم الله انا عايش ومش عايش
كبرت ف لحظه وفي ثانيه بتشرب قهوة ف التانيه
وتسرح ف الحيطان حبه وفاكر انهم جايين
مقضي اليوم وجع وسكات ومحسوب فرد ع العايشين
واتاري العمر بيك عدي وقلبك جف اهو وصدي
صحيح العمر بيغير ويطفي اللمعه ف الفضه
يا مستني الفرح حيلك فرح ايه اللي هيجيلك
يوماتي تقوم وتقريبا خلاص نحست م الخضه
وانا ماشي ف الغربه قابلت كتير وشفت من البشر الوان كان ليا انا حبايب غصبن عني كان البوعد والحرمان قالولي وغارو مني حسدوني عشان ف الغربه فاكرني حالي بخير وكله تمام لكن ع اللي فيا انا الله انا يعينني
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
