قلبك يلين

كون ماعوفك بعد

كون يمك للابد

كون يكعد حضي مرة

عمره حضي ماكعد

وكون لو كلبك يلين

يا عشك كل السنين

ضاملك حضنة قوية

كون اشبكك يالحنين

بعدك الروح انتهت

ويمك الدنيا ابتدت

وكون وجهك يبقة يمي

وجهك الحظ والبخت

انت من الله وعد

وراسي بس يمك برد

ياسند كلبي وبدونك

كلبي ماعندة سند

انت فهمني شنو

حتى من تزعل حلو

بس اذا نتراضة احلى

كافي سهلهة شكو

بزعلتك طحت بورط

كلشي بعدك ماضبط

حتى لو زعلك كلبي

ابنك اعتبره وغلط

جيت جايبلك ورد

ارضة عني ولا تصد

حتى لو تطردني هسة

خطوة عنك ماراح ابتعد

ضيم فركاك والم

والله موتني الندم

موت مشتاك لضحكتك

وادري مشتاك انت هم