على البال نمر الجذع كلمات
لا تحسب اني على بعدك سهيت ونسيت
دايم على البال لو وصلك عليه صعيب
طيفك بعيني ليا مني غفيت وصحيت
بالذاكره لا يزال اسمك مسجل حبيب
ولا زلت اردد قصيد الوجد لك بيت بيت
قصايد الوجد لك فيها حضور ونصيب
اخذت مالا خذا غيرك وانا وش خذيت
إلا السهر مع نجوم الليل حتى تغيب
أبحرت في ذكرياتك لو زماني عصيب
لا عسس الليل واقبل مع نجومه سريت
ودخلت جو الخيال اللي بعيده قريب
أسج مع سالف الماضي وانا مادريت
عايش مع الناس بالدنيا بدونك غريب
أضيع اللي على بالي لا منك طريت
فرقاك خلت خفوقي بعد فقدك عطيب
اهد وابني ولا دري وش هدمت وبنيت
مومن بالأقدار والهقوه تخيب وتصيب
مافات يوم بحياتي عن خيالك سهيت
من كثر مافيك افكر بالخيال الرحيب
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
