مش لاقي حد في حضني غير مخدتي
مش لاقي غير ايدي بتمسح دمعتي
الف شكر على القسية
يالي بكيتم عينيا
حبكم كان تمثيليه
وانتم صراحه ممثلين
انا ابدو لكم اني من بره بخير
ولكن قلبي جوه منه احزان كتير
انا كل يوم بحس انه يوم الاخير
بحس اني مش هقوم من على السرير
كل ليله بستنى موتي
كل يوم بتزيد ضغوتي
توهت الفكر بسكوتي
بس جوه في كلام
والكلام بحكي معايا
بتكلم قدام مرايا
واقول لنفسي حرام كفايه
اكتفت حزن والام
لو الدموع تريح كنت هبكى دم
لو الشرب بينسي كنت شربت سم
كل حبايبي حاطين جوه قلبي سهم
بقول بموت قالولي موت عادي مش مهم
الف شكر على القسيه يالي بكيتم عينيا
حبكم كان تمثيليه وانتم صراحه ممثلين
مثلتو الحب في بغرام بس كله طلع كلام
انتم وحشين مش تمام حضنكم فيه سكاكين
مش لاقي حد في حضني غير مخدتي
مش لاقي غير ايدي بتمسح دمعتي
بس شايف كتير بيكرهوا ضحكتي
يكفيني شر اللي نفسو في كسرتي
كل يوم ما فيش جديد
جوه حزن عايش وحيد
في الفرح تلميذ بليد
بس استاذ في الوجع
عمري ينقص كل ثانيه
طيب بس في دنيا خاينه
هو مفيش غيري يا دنيا
ولا انت بتيجي على الجدع
انا م اللي شوفتو بقيت بجد حد تاني
الغربه واجعه قلبي بجد مزعلاني
كل حاجه سيبتها ليه بقت وحشانى
انا غصب عني مش عارف ارجع مكاني
طب ليه مابيرنش تليفوني
فين حبايبي دول نسيوني
اللي شلتهم رموني اما شافوني بقع وبضيع
افتكرو حاجه حلوه ليا احسن ما تشمتو فيا
بس بكره الايام جايه هرجع وحاسب الجميع
انا حد اتجرح محدش حس بيه
انا اللى ناس كتير اوي جايين عليه
قلبي اتكسر من كتر الحزن اللي انا فيه
ماشي في طريق عذاب مش عارف اخرو ايه
صليت دعيت على اللي خاني الدعوه جت فى اقرب ناس منى
مش قصدى معرفش اني بتخان من القريبيين
شدي يلا يا شده شدي عرفيني من اللي ضدي
مين بيزعل على قلبي حزن ومين فى حزنى مبسوطين
كلمات اغنية عصام صاصا الكروان طب ليه مبيرنش تلفوني ( الف شكر علي القاسيه )
