كلمات اغنية خبط في خبط نبيل
إللي ضيعنا بالقصد مش هيلقانا بالصدفة
وإللي سابنا وقت الجد بكرة يحلم إنه يشوفنا
كنا شاريينهم بحالتهم بيّعونا إللي حيلتنا
ياما طبطبنا ودلعنا كنا شايلينهم فوق راسنا
وأما خلص العرض بتاعنا
راحوا شافوا إللي ينافسنا
أخدوا أغلى حاجة فينا وإحنا فيهم إتوكسنا
نازلة فينا خبط في خبط
طب سيبينا ناخد نفسنا
إيه الحكاية في إيه بالظبط
مش كدة بصراحة تعبنا
بكفيانا شبعنا هم محتاجين إللي يفرفشنا
من هنا ورايح أهم مصلحتنا ونفسيتنا
ماحنا ياما فرشنا ورد
جتنا نيلة على خيبتنا
كان ياريته طمر في حد
كنا فعلاً على نياتنا
يلا أهو اتعلمنا الدرس
كل ده في ميزان حسناتنا
المعاملة خلاص بالمثل
وإحنا بوعودنا بنوفي
كنتوا غلطتنا في الأصل
الكلام عمره ما يكفي
فيكوا من يكتم السر
بالسلامة عشان بنصفّي
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
