كلمات اغنية ابوي الهيبة جود الصالح 2025
هذه ابوي الهيبة
بخيره عشنه وطيبه
حظ وبخت علمنه
من فدوه اروح لشيبه
بويه العالم تحلف براسه بويه
عز وطيب من ساسه بويه
هيبه وزود معدل بويه
يركض يفزع لناسه
بويه بويه بويه
معگل لو يطب ديوان يفرض
والزينات عند الزين تعرض
بخاجيته وعباته يستر الناس
مشاكل ماتفض بحكمته تفض
هذه الشيب لبراسه قضيه
يجني الزين مايجني الرديه
ابن ديوان وحموله وفراضه
فدوه لشيبته وروحه النقيه
بفضل ابوي اني بعز
بصيته امشي وباسمه
مثل الجبل مايهتز
والصعبه تسهل يمه
هذه ابوي الغيره
تقدره كل الديره
الرفع راسي واسمي
هذه الجميل السيره
بويه بوكت لطگ وگف قائد
بويه لميطخ راس لاي واحد
بويه الطيب گلب وحنين
بويه بزيناته الوكت شاهد
بويه بويه بويه
دكتور الفراضه والمشوره
زغار كبار يستمعون شوره
وجه المجتمع عالي مقامه
الرايد صيت ياخذ يمه صوره
مايعرف يجامل عله باطل
هموم الدنيه فوگ جتافه شايل
ابوي لخله بصمه واله تاريخ
مثل العلم يكشخ بلمحافل
ومن ابوي اتعلم
مدرسه ومنه اتخرج
يسعى ويحل ويسولف
مايگعد ويتفرج
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
