كلمات اغنية تمنيته عمر يوسف الشهري
يا ليالي عمري المتبقيه دوري ولفي
الزمن عيا لا ينصفني وأنا مرفوع هامه
ليت عندي قدرة أمسح خيبة أمالي بكفي
مثل ما أمسح دمعة عيوني من أطراف العمامة
كنت ما أخاف الليال السود لو تبحث ملفي
وصار يربكني عليل النسمه وصوت الحمامة
المحبه تالي الأيام صارت ما توفي
لاتمادت ضحت بما عندها حتى الكرامه
اه ياحلم الحياه اللي تنامى تحت ظفي
وأه ياحب تمنيته عمر مادار عامه
من بعد فرقاه قلبي عايش وشبه متوفي
مالقيت اللي يحررني من إحساس إنهزامه
الفرح صاير عدوي والحزن واقف بـ صفي
الوحيد اللي مخجلني على كثر إهتمامه
كل ماشفته تراحيبه تراحيب متحفي
مايخليني بـ فالي لين يذبح لي كرامة
ياحبيبي والكلام اللي ورى البال متخفي
أسمعه لو أنك تخفيه خلف الإبتسامه
لو لسانك ماتكلم نظرة عيونك تكفي
ماتخون العاشق عيونه لو يخونه كلامه
كيف أبسري واتشافى عن هوى بالي وشفي
والمساري موحشه والليل مايرحم ظلامه
الطواري والسهر والليل والحب المقفي
مستحيل تحاصر الواحد ويطلع بالسلامه
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
