محكمة ودخلنا على المفرمة
والدنيا متلصمة
ودماغي متفيمة
وبنام وأقوم مفزوع
أقنعة على القرش متسربعة
والشقط بالأربعة
أُسر يابا مضيعة
عادي ومفيش موضوع
خارق كالعادة أحب الرياضة
وفي أي أرض ليا السيادة
دايما يدوني دور القيادة
علشان سفاح
طيب بطبيعتي بقلب غدودي
مطروش وبايعها، عديت حدودي
أنا من غير ما اجي ثابت وجودي
سحللة والسكة متقفلة
رجالة متغفلة
والقمورة القنبلة
دي سبب الموال
أدخنة بالدنيا متلونة
تدفع تاخد عينة
كل العروض ممكنة
هتعد هتشارك
اتدفن الحب جنب الخيانة
وحريم الأرض تعبت معانا
اتحدى الكل عايزين صيانة
وأنا Number 1
بسهر للصبح بصرف فلوسي
على كل صحابي والدنيا أوزي
من كتر الشرب وقعت ضروسي
أنا شاب مُسن
افترى وعوجلي شعره لورا
أنا كنت فاكرك مرا
اركز فين السيطرة
ما تهدى بقى يا فنان
اتكرف، علشان جعر اتعرف
ده بجد كتك القرف
أنا فاكره خدمة غرف
طماع على طول جعان
نجمت الهلس عض بشراسة
تلميذ خيبان ومحتاج دراسة
لو يحتاج حاجة أستاذ سياسة
علشان مصلحته
كلها في الضيقة باعوا وخانوني
الدنيا جميلة بيدلعوني
أنا مستر إكس أنا ألكابوني
من الدنيا مسحته
افتروا وعلينا بيدوروا
يتمنوا يتصوروا
ويهئوا ويبخروا
علشان نسند معاهم
اختفوا مبقوش بيتصرفوا
كبروا وبيخرفوا
البحر أنا بنشفه
وعينيا مش شايفاه
أنا قاطع مخي بأمواس رخيصة
هتخشلي سبع ترجع فريسة
هتعلي الصوت هترجع في كيسة
آخرك معروف
ثورجت الثورة ثوران جليدي
ما بجيبش جبابرة بضرب بإيدي
ما بقولش لحد شبهك يا سيدي
شقلبة زغلولة مش عقربة
مجنونة.متعصبة
ضحكتها فيها كهربا
تقولش ساحراني
ملهمة أستاذة ومعلمة
وفي العراك مجرمة
آه وفي قلبي متكرمة
وتملي شاغلاني
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
