كلمات اغنية الأخصام ضموا لبعضيهم عصام صاصا
أنا مبخافش وأخاف من إيه
وأنا لو خونت هخونهم ليه
واللي تمامه يا صاحبي جنيه
سهل وعادي مقدور عليه
بس اللي هيجي في سكتي
هيبقى جه لموته برجليه
واللي هيجي عشان ينصحني
ياريت نصيحته يخليها له
طلقة بطلقة وحرب بحرب
وبقول يا رب أسترها معايا
سايب الناس بتول بهواها
وبعمل بس اللي على هوايا
أنا مش بشكل لحد همومي
وبداري وبكت يا با جوايا
أي بداية وليها نهاية
وأي نهاية وليها بداية
ناس بتحور ناس بتنافق
ناس علشان ناس تخسر ناس
ناس من أجل السيط بتوافق
دي تقل قيمتها وتداس
وناس كتير في الضيقة بتفارق
لما بتوشك على الإفلاس
وناس الموت عندها مش فارق
ومفيش في قلوبهم إحساس
أنا قرفان مخنوق مش فايق
ومضايق وعيوني بتدمع
كنت فاكركوا إخوات وشقايق
وإننا بالحب بنتجمع
بس لقيت اللي بيتجاشع
واللي بيسرق واللي بيطمع
قاطع ودني وقافل عيني
ومن الآخر لا بشوف ولا بسمع
الأخصام ضموا لبعضيهم
والأصحاب قلبت على بعض
مهما عملت عشان أرضيهم
أنا بردو إيديا بتتعض
كانوا فكريني هموت بعديهم
بس أنا استقويت في البعد
الطيب يغلب وسطيهم
مع ناس بتخلف أيها وعد
اللي بيبعد في الأزمات
واللي بيهرب وما شوفهوش
بجد قلبي الطيب مات
وبقيت واحد معرفهوش
لو فكرتوني زي زمان
يبقى تفوقوا وما تتغشوش
ملعون أم صحاب الكيف
دول من الرجل ما يتقلعوش
ماشي وعامل فيها مش فاهم
اللي بيحصل يابا حواليا
أكتر حد بيغدر بيا
أكتر حد قريب ليا
أنا بتعذب من الصدمات
أنا مستاهلش اللي بيجرالي
زهقت من كتر الحوارات
بس عامل مش واخد بالي
حبيت نفسي كرهت صحابي
وبنسى أي حاجة تزعلني
لأن مجبر أجب غيابي
وأعمل فيها مبقاش يشغلني
ملقتش حد خبط على بابي
ولا حد في شدتي كلمني
والحب اتحول كراهية
من اللي كنت فاكرهم مني
كنت حبيبك كنت طبيبك
كنت بداوي جرحك بإيديا
وقت الشدة أنا ملقتكيش
سيبتني في توهة لوحديا
كنت أنا فكرك بتحبيني
أتاريكي بتحبي المادية
مهما هتحكي ومهما هتشكي
مش هرجع ليكي يا عينادية
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
