كساب البيارق درع المري كلمات
كل ما طاحت نجوم الليل من صدر المجره
قام هاجوس القصايد يدبك فصدري بـ خيله
والشعر حالات ما بين الكآبه والمسره
بعضه يداوي الجريح وبعضه يزود غليله
والله إنه من عرف جرح أعذب الشعار سره
إيتمنى جرحه يواصل نزيفه كل ليله
أتقدم كل ما صاحت من القرطاس حره
واشهر أقـلامي لها مثل المراهيف الصقيله
والكنوز تدور فعمقه على راعي جزيله
والشعر ماله معي غير المعزه والمبره
حافظه في المرقب العالي عن دروب الهزيله
قوم يا درع اصدح بلإبداع وإنته من آل مره
لابة التاريخ والنوماس والسيره الأصيله
مجدهم مأخوذ يوم إن الزمن كره وفره
ما جهله إلا غشيم ضاع من جهله دليله
كل رجل من آل مره والنعم مليون مره
فوق حسن الظن تقدير ومواجيب وفضيله
والظفر والعز ما يوخذ من دروب المسره
يوخذ ببذل النفيس ويوخذ بشيل الثقيله
راعي الخلق الكريم وراعي النفس النبيله
لو تغير كوكب الأرض وقلب جوه وبره
ما تغير سالم الجزوى عن دروب الجميله
حي كساب البيارق جعل ربي ما يضره
بيرق الخلق الأصيل وبيرق الكف الجزيله
سالم وسالم مواجيب النشاما في مقره
أبلج تسابق تراحيبه عبق بنه وهيله
شاعر وفارس وشغموم ورجل لله دره
هذا ابو مبخوت عنوان الرجوله والفضيله
دون وقفته العظيمة ما يسوق العذر مره
كل حمل يتعب الباقين سالم يرتكيله
صيرمي تتقي الأخصام في الميقاف شره
يأمن الخايف لحاله كنـه لحاله قبيله
والله إنه فزعة اللي مونس في الكبد حره
كل ما طالت ضروفه صار له راعي طويله
لا زبنه اللي تمايل وقته و شاف المضره
ايتبين له على هام الشواهيق الطويله
والله ان يديه في مد المكارم مستمره
من خلقه الله ما يحسب كثيره من قليله
والله إن الساحة بحضرة جنابه مستقره
سالم الجروى مثبت ساسها عن كل ميله
وش نقول فطيب ماخذ من العليا مقره
في الجزالة والشهامة والوفاء ما فيه حيله
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
