كلمات اغنية الخوه ناصر الدوسري 2025
الصاحب اللي خوته تخرب معاي بنص يوم
مهي تجمل صحبته ولاهو يجلّي الهموم
ياليل دان يالليل دان …ما دامت الخوه معاك
ترى الصقر عالي نظر والبوم مهما طار بوم
الصقر مرقابه بعيد والبوم في عشه يحوم
ياليل دان يالليل دان …ما دامت الخوه معاك
طيب الردي ماهو يدوم ولا تقديه السلوم
ليا ترك ولا فعل لابد ياتي به ثلوم
ياليل دان ياليل دان …مادامت الخوه معاك
شرع الوفا بين الرجال مهما الزمن طوّول يدوم
واللاش من قولة نعم في كل ميقاف محروم
ياليل دان ياليل دان…ماتنفع الخوه معاك
يلبني وقت الرخا ويعيفني عند اللزوم
وقت الفهاني ينثني ويبور لا صرت مهموم
ياليل دان ياليل دان …ماتنفع الخوه معاك
ياليت في وجه الردي واللاش والخايب وسوم
ناخذ حذرنا من مطاول خوة الهيس ونشوم
ياليل دان ياليل دان …ماتنفع الخوه معاك
وليت والله الرخوم يفدون بالموت القروم
عل الهلاما ينتهون من البسيطه بالعموم
ياليل دان ياليل دان …ماتنفع الخوه معاك
خلاص ياشين القبل عرفت وصفك والرسوم
واخذت انا حذري معك وبعتناك بدون سوم
ياليل دان ياليل دان …ماتنفع الخوه معاك
خوه بلا مبدا تعاف وانا بشممها الشموم
ماخليّت الدنيا من النجبان ذربين العلوم
ياليل دان ياليل دان …ماتنفع الخوه معاك
حذفتك من القايمه ولا لحقني فيك لوم
يالصاحب اللي خوتك تخرب معاي بنص يوم
اغنية الخوه ناصر الدوسري 2025 بالكلمات مكتوبة كاملة من كلمات حسين بن زربان وتوزيع حازم الابيض تم طرح اغنية ناصر الدوسري الجديدة على القناة الرسمية على اليوتيوب بتاريخ ١٥ مايو ٢٠٢٥ كوبليه كلمات اغنية
- كلمات : حسين بن زربان
- توزيع : حازم الابيض
جميع كلمات الأغاني المنشورة على هذا الموقع هي ملك لأصحاب حقوق التأليف والنشر الأصليين، وتُعرض هنا لأغراض تعليمية وإرشادية فقط وفي حال كنت صاحب العمل الفني وتعتقد أن هناك انتهاكًا لحقوقك، يسعدنا التواصل معنا من خلال [info@socuta.com]. بعد التحقق من الملكية، سنقوم بإزالة المحتوى فورًا، مع التزامنا بعدم إعادة نشره مستقبلاً.
