متى لمواصلي بتفك بابك

سؤالي ينتظر منك الاجابه

عليك الله من وحشة غيابك

مادام الفقد مايشفى صوابه

شقى عمري ورى حضرة جنابك

اسيراً غير عشقك ماعثا به

تعبت اراقبك واتبع سرابك

وشوقي مشعل بصدري عذابه

هنى روحي اشوفه في رحابك

تعال وكل شيٍ له حسابه

..

تعال ومرحبا بك ياهلا بك

مادام العمر باقي في شبابه

انا مشتاق للوصل وعتابك

وصالك يروي الضامي سحابه

انا محتاج لـ ايدينا تشابك

واحاسيس الغلا فينا اتشابه

شعور الحب من قلبي بدا بك

شعوراً صعب من روحي ذهابه

جمالك فارق وكل الحلا بك

جمال وزين منطوق وذرابه

ذهابك ليش ماحدد إيابك

إيابك حق ليت الله جابه

اي والله راضيا في كل مابك

اسيرك حسن لقياك انتحابه

لقاك العمر غايه واكتفى بك

امانه من قساته وإكتئابه

ترى طوّلت في فترة عقابك

على اللي فقد محبوبه يهابه

ذهابك ليش ماحدد إيابك

إيابك حق ليت الله جابه